Tá ið ov mikið er til av gitnum eggum, ber til at frysta tey, um hetta verður ynskt.
Sambært eini íslendskari tøknigitnaðarreglugerð frá 1997 kunnu gitin egg verða goynd fryst í mesta lagi í fimm ár. Goldið verður fyri frystingina, og á hvørjum ári verður eitt goymslugjald rindað á posthúsinum.
Ein viðgerð, har arbeitt verður við frystum, gitnum eggum, er nógv lættari enn glasgitnaður. Viðgjørt verður við heilivági, sproytum, nasapístri ella tablettum í fýra til seks vikur og skannað verður tvær til tríggjar ferðir, áðrenn tey gitnu eggini verða sett í lívmóðurina.
Um pør ynskja, at gitin egg skulu verða oyðiløgd, verður søkt um hetta skrivliga til ART Medica, og báðir partarnir skulu skriva undir umsóknina.
